Mae gan Dŷ Newydd gyrsiau penodol ar gyfer beirdd, nofelwyr, sgriptwyr, dramodwyr ac eraill yn ogystal â chyrsiau mwy cyffredinol. Ceir cyrsiau Dechrau Ysgrifennu ar gyfer y rhai di-brofiad yn ogystal â chyrsiau ar gyfer hen lawiau. Cyrsiau penwythnos yw'r mwyafrif o'r cyrsiau Cymraeg - yn dechrau gyda swper ar nos Wener ac yn gorffen b'nawn Sul.

Mae staff Tŷ Newydd bob tro'n barod i drafod cynnwys y cyrsiau Cymraeg er mwyn sicrhau fod y cwrs hwnnw'n addas ar eich cyfer. Gellir trafod y cyrsiau Saesneg gyda Sally Baker, Cyfarwyddwr Gweithredol y ganolfan.